Kurthi i Produktivitetit

Publikuar: Të Henen e shkuar

Ne boten moderne te punes, sidomos ne tregun e freelancereve qe punojne me ndermjetes ( sepse ky eshte trendi ), produktiviteti shihet si nje tregues i vleres se punonjesit. Por ka nje paradoks qe prek shume profesioniste te pavarur ne keto kushte pune: kur punon ngadale, penalizohesh sepse "ke humbur kohe", ndersa kur punon shpejt, penalizohesh sepse "ke faturuar pak ore". Kjo kontradikte nuk eshte thjesht nje rastesi e keqe - eshte nje kurth sistemik, vecanerisht i perhapur kur freelanceret punojne per shefa te ndermjetem, agjenci ose menaxhere qe ndertojne fitimin e tyre mbi oret e te tjereve, dhe per te kuptuar situaten duhet ta shohim me thelle.

Ne shume kontrata me pagese sipas ores, vonesat ose punimi me i ngadalte reflektohen si kosto me e larte per punedhenesin. Ne kete rast, shefi te thote se "eshte dashur me shpejt", te kritikon per kohezgjatjen dhe pretendon se je i paafte ose nuk po e kupton ritmin. Mesazhi i nenkuptuar eshte i qarte: duhet te punosh me shpejt per te qene "efikas". Por sapo te behesh me i afte, me i organizuar dhe me i shpejte, ndodh e kunderta: shefi ose menaxheri ankohet pse u deshen kaq pak ore, kerkon ulje tarife sepse "u be teper shpejt", ose hedh dyshime se "nuk paska pasur aq pune sa kishim menduar". Ne kete rast, efikasiteti yt interpretohet si kosto e humbur per te. Nese punon ngadale je problem, nese punon shpejt je prape problem. Ne te dy rastet, i vetmi qe humbet eshte freelancer-i, ndersa i vetmi qe fiton eshte ndermjetesi.

Kjo ndodh sepse modeli i fitimit i shume ndermjetesve bazohet te oret e tua; sa me shpejt punon ti, aq me i vogel behet fitimi i tyre, ndersa sa me gjate zgjat puna, aq me shume rrezikojne pakenaqesine e klientit final dhe ia vene fajin ty. Sepse ne keto modele, puna nuk matet me teknikalitet por me minuta, dhe vlera e vertete e punes shihet si "ore pune", jo si rezultat, qe eshte menyra me primitive e matjes se produktivitetit qe fatkeqesisht ende mbizoteron. Per me teper, ekziston nje mosbalance fuqie, mungese transparence dhe shpesh varesi ekonomike, ku freelanceret nuk kane ze te kerkojne pagesa bazuar ne vlere, ndersa ndermjetesit kane kontroll mbi rrjedhen e projekteve dhe e perdorin kete kontroll per perfitimin e tyre.

Ky fenomen eshte i njohur globalisht si kurthi i tarifimit me ore, apo si kurthi i produktivitetit, nje problem i pershkruar gjeresisht nga profesionistet e pavarur ne IT, dizajn, copywriting, marketing, dhe cdo fushe tjeter ku koha matet ne vend te vleres. Freelanceret e quajne shpesh "denimi i efikasitetit", "pershperblimi i ngadalesise", ose "gara e pafundme e justifikimit te oreve", sepse ne cdo rrethane efikasiteti duket se kthehet kunder atyre qe e zoterojne.

Pra, le ta permbledhim cka u tha, ne dy pika konkrete:

Kur punon ngadale: penalizohesh per "mungese produktiviteti"

* shefi te thote se "eshte dashur me shpejt".
* te kritikon per kohezgjatjen.
* pretendon se je i paafte ose nuk po e kupton ritmin.
* nese punon ngadale → je problem.

Kur punon shpejt: penalizohesh sepse "ke faturuar pak"

* shefi ose menaxheri ankohet pse u deshen kaq pak ore.
* kerkon ulje tarife sepse "u be teper shpejt".
* hedh dyshime se "nuk paska pasur aq pune sa kishim menduar".
* nese punon shpejt → je problem.

Tani, nese je freelancer dhe po punon per ndermjetes qe te shohin si "robot oresh", mos prit qe sistemi te te shperbleje per efikasitetin. Sepse ky model ka nje fitues - dhe nuk je ti. Keshtu qe krijo marredhenie te drejtperdrejta me kliente qe kuptojne punen tende. Vetem keshtu produktiviteti behet aleat, jo armik.

Keshille finale;

Zgjidhja e vetme e qendrueshme eshte kalimi nga pagesa per ore te pagesa per vlere. Duhet te faturosh per rezultat, jo per ore. Mund te jete pagese fikse per projekt, e cila eshte e qarte, transparente dhe e lidhur me rezultatin final, ku fiton njesoj pavaresisht sa shpejt punon, duke u shperblyer per aftesine dhe eksperiencen tende, dhe duke kursyer kohe per gjera tjera te mira. Mund te jete pagese sipas milestones, kur projektet jane te medha dhe ndahet puna ne faza te matshme me vlere te qarte. Mund te jete pagese sipas impaktit apo perfitimit qe sjell puna jote, sidomos ne marketing, SEO apo zhvillim biznesi. Ose mund te jete retainer mujor, ku klienti paguan per te pasur akses te aftesite tua, jo per minuta pune. Ne keto forma bashkepunimi, efikasiteti shperblehet, jo denohet, vlera rritet me pervojen, nuk ka me konflikt per oret dhe shmangen dramat me ndermjetesit. Edhe klienti final perfiton, sepse merr rezultat te qarte, ka transparence dhe nuk i intereson sa sekonda tu deshen - rendesi ka zgjidhja.